Ndonëse sezoni turistik ka nisur prej ditësh, me urdhër të policisë kufitare në Durrës është vendosur që motorët e ujit dhe mjete të tjera lundruese me karakter argëtimi të pushuesve në det, të mos të zhvillojnë aktivitetin e tyre. Nga Durrësi deri në Kavajë operojnë 12 subjekte të tilla, të licensuara për ushtrimin e aktivitetit me mjete motorike për sporte ujore.
“Në lejet e certifikatave të lundrimit kërkohet patentë për personat që marrin motorët me qira. Kjo është e pamundur të merret nga turistët apo pushuesit që marrin mjetet e lundrimit me qira.”
Kjo situatë nuk është lënë me kaq, pasi pronarët e këtyre mjeteve janë hedhur në protestë. Pronarët e cilësojnë një kerkesë të tillë absurde, pasi jo çdo pushues e disponon një kualifikim të tillë.
