Bllokimi i rrugëve të qytetit për një orë, sipas kryebashkiakut Veliaj, ka shkaktuar një dëm prej disa milionë euro.
Këtë deklaratë, Veliaj e bëri gjatë inspektimit të punimeve për ndërtimin e 14-të, të këndit të lojërave në njësinë 5.
“Edhe në një ditë si kjo e sotmja, kur patëm bllokim rrugësh, njerëzit duhet të kuptojnë se një orë e bllokuar në Tiranë, janë disa milionë euro shpenzime të qytetit, në shërbime të munguara në transport, në punë të pambaruara. Uroj që ata që e kishin në dorë për ta bërë Tiranën me të gjithë këto investime për 4 vjet, të kuptojnë se duke e bllokuar, thjesht u kujtojnë njerëzve se si e bllokuan 4 vjet me gjumin në Bashki, ndërkohë që shumë prej këtyre punëve mund të ishin bërë përpara 4 viteve”, tha ndër të tjera Veliaj.
