Pas bllokimit të autostradës Elbasan-Tiranë për shkak të shembjes së masivit, duket se është gjetur një zgjidhje provizore.
Kështu, shoferët nuk kanë përse të torturohen për të kaluar nga rruga e vjetër, pasi tani mund të shmangin Krrabën përmes përdorimit të bypass-it.
ARRSH dhe Policia Rrugore kanë hapur bypass-in provizor për kalimin e automjeteve në sensin Elbasan-Tiranë dhe Tiranë-Elbasan me një kalim.
Sigurisht, është vendosur edhe sinjalistika përkatëse me shërbime të shtuara të punonjësve të ARRSH dhe Policisë në terren për udhëzimin e drejtuesve të automjeteve.
Këshillohet që qytetarët të cilët do të përdorin këtë aks të reduktojnë shpejtësinë dhe të respektojnë sinjalistikën e vendosur.
