RENEA dhe FNSH zbresin sërish në Shijak, për një tjetër aksion. Të mbështetur nga Grupi i Posaçëm Operacional dhe policia e Durrësit, Forcat Speciale po kryejnë një tjetër kontroll në banesa dhe lokale për ekzekutimin e urdhër-arresteve të Gjykatës së Durrësit, për persona të skeduar në narko-trafik.
Kontrollet e policisë u zhvilluan edhe në shtëpitë e të proceduarve. Dje ra në pranga Flamur Avdyli, i njohur si “bosi i Shijakut”, i cili u arrestua nga forcat RENEA bashkë me dy persona të tjerë. Ndër ta njëri me inicialet H.H. me akuzën e trafikut ndërkombëtar të lëndëve narkotike. Grupi i Shijakut ishte i lidhur edhe me laboratorin e heroinës në Has.
Sakaq operacionet antidrogë janë shtrirë në të gjithë vendin, ndërsa ditën e sotme kryeministri Rama paralajmëroi se nesër publiku do të njihej me një tjetër operacion të suksesshëm.
