Gjykata e Krimeve të Rënda në Tiranë është vënë nën masa të forta sigurie. Kjo për faktin se priten të jepen masat e sigurisë për grupin e trafikantëve të drogës. Ata u arrestuan të hënën në operacionin e gjerë “Vol-Vo 4”.
Droga, korrupsioni dhe skema e tjetërsimit të tokave do të gjykohen si një histori e pandarë në Gjykatën e Krimeve të Rënda.
Institucioni do të vlerësojë kushtet sesi u arrestuan dy ish-deputetët socialistë, Arben Ndoka dhe Arben Çuko.
Përgjimet tradhtuan trafikantët, zbulohet dosja se si u implikuan edhe dy ish-deputetë
Në të njëjtën dosje janë edhe ish-policë. Ata njoftonin kriminelët dhe favorizonin personat e inkriminuar për të dalë jashtë vendit, si dhe grupin “Avdylaj”.
Operacioni, 27 në pranga për trafik ndërkombëtar droge dhe korrupsion.
Edhe pse me episode të veçuara, ajo që i bashkon të gjithë të arrestuarit e megaoperacionit “Vol-Vo 4” është “grupi i Shijakut”, që mban mbiemrin e fisit Avdylaj.
