Sot në Gjirokastër do të zhvillohet një protestë nga shqiptarët para konsullatës greke. Tubimi i “patriotëve shqiptarë” do jetë për bashkëkombësit që janë vrarë në javët e fundit në Greqi.
Por, sot drejt Gjirokastër do zbarkojë dhjetëra grekë. Qyteti thuhet se është blinduar nga forca të shumta policore. Këto masa, vijnë për shkak të tubimeve që do mbahen nga grekët, në nder të të 40-ve të minoritarit grek Konstandinos Kaçifas.
Nga pika kufitare e Kakavijës deri më tani në Shqipëri ka kaluar një autobus me nacionalistë grekë, të cilët janë kontrolluar për veshje, flamuj dhe sende fyese.
Gjithashtu në drejtorinë e qarkut të Gjirokastrës kanë mbërritur forcat e Anti-terrorit dhe ato të RENEA-s në gatishmëri për të ndërhyrë në rast se ekstremistë grekë hyjnë ilegalisht në vendin tonë për të marrë pjesë në homazhet për Kaçifan.
Ndërsa, dje gazetari Panajotis Savidis, gazetar i ‘Protothema’ është ndaluar që të hyjnë në pasi ka qenë mjaft aktiv në nxitjen e urrejtjes mes dy vendeve në shkrimet e tij. Konstandinos Kaçifas u vra më 28 tetor pas një shkëmbimi me armë zjarri me forcat RENEA.
