Gazetari i opozitës bjelloruse, Roman Protaseviç së bashku me shtetasen ruse e cila është e dashura e tij Sofia Sapega, janë liruar nga burgu, dhe kanë kaluar në arrest shtëpie. Vendimi është marrë nga Komiteti Hetimor i Bjellorusisë, teksa të dy kanë kërkuar një marrëveshje për pranimin e fajësisë, shkruan BBC.
Megjithatë, babai i Protaseviç, tha se akuzat kundër të dy të arrestuarve nuk ishin tërhequr.
Protasevic po udhëtonte nga Athina për në Vilnius më 23 maj, kur avioni i tij u detyrua të ulej në Minsk, pas udhërit të Lukashenko. Aktivisti ishte anëtar i delegacionit të lideres të opozitës Bjelloruse Svetlana Tikhanovskaya, e cila kishte marrë pjesë në Forumin e Delphi.
Gazetari 26-vjeçar ka shprehur prej kohësh frikën se mund të vritet sepse ai kundërshtoi publikisht Lukashenkon. Deri në momentin e arrestimit të tij, Protasevic ishte kryeredaktori i një media në Bjellorusi, e cila ka rreth 250,000 ndjekës.
BE-ja iu përgjigj incidentit të avionit me sanksione ndaj Bjellorusisë. Vendet perëndimore akuzojnë Bjellorusinë për rrëmbimin e aeroplanit Ryanair nën pretekstin e një alarmi të rremë për bombë.
