Raman Pratasevich ka qenë pjesë e opozitës politike bjelloruse për më shumë se një dekadë dhe ka pasur prej kohësh frikën se autoritetet do të përpiqeshin ta rrëmbenin edhe nëse ai do të jetonte jashtë vendit. Gazetari disident 26 vjeçar nuk mund ta kishte imagjinuar se autoritetet bjelloruse do të shkonin deri këtu.
Pratasevich, i cili drejtoi një kanal në një aplikacion të përdorur për të organizuar demonstrata kundër qeverisë “me grusht të hekurt” të Presidentit Alexander Lukashenko, u largua nga atdheu i tij në 2019-ën në përpjekjen për t’i shpëtuar kthetrave të KGB-së bjelloruse dhe përfundoi në Lituani. Ai u akuzua në mungesë për nxitje të një trazire, akuzë e cila sjell dënim me 15 vjet burg.
Teksa po kthehej në kryeqytetin Lituan, Vilnius, nga Greqia, të dielën, me të dashurën e tij në bordin e një avioni Ryanair, kontrollorët e trafikut ajror bjellorus i thanë ekuipazhit të devijonte në Minsk, duke përdorur pretendimin e një kërcënimi për bombë. Lukashenko u ngjit në një avion luftarak që shoqëroi avionin.
