Adem Kola është tregtari, i cili u grabit mbrëmjen e kaluar në lagjen numër 1 të Kavajës.
Biznesmeni i tregtimit të peshkut ka rrëfyer momentet e tmerrit që ka përjetuar, kur tre persona të veshur me rroba policie dhe maska i kanë hyrë në shtëpi, duke i marrë 20 milionë lekë të vjetra dhe 5 mijë euro.
“Erdhën 3 persona, mos luaj mos luaj më thanë. Unë s’kam armë, kam qenë sekretar partie për 30 vjet. Më kapën dhe më lidhën. Ata ishin të maskuar dhe me rroba policie. Ishte ora rreth 4:00 mëngjesit. Ata hyrën nga penxherja dhe erdhën nga shkallët. Mos luaj se do të vrasim më thanë. Më qëlluan në kokë. Duam lekët. Më morën 20 milionë lekë”, tha ai për GSH.
