Ardjan Serezi dhe Denis Demiri do të qëndrojnë në burg deri në përfundim të hetimeve. Gjykata e Krimeve të Rënda ka marrë këtë vendim për dy autorët e vrasjes së biznesmenit Begalla.
Në seancën e sotme për dhënien e masës së sigurisë kanë dalë të dhëna të reja për motivet e vrasjes. Prokuroria ka lexuar të dhënat për autorët. Sipas organit të akuzës, Ardjan Serezi u kap me drogë dhe biznesmeni Begalla i premtoi lirimin por nuk e mbajti fjalën dhe nuk e liroi 49-vjeçarin.
Ndaj ai mori hak duke e vrarë. Një tjetër e dhënë ka të bëjë me identifikimin e Denis Demirit. Prokuroria deklaroi se pas krimit Denis Demiri hoqi maskën dhe u filmua nga kamerat e sigurisë, kjo gjë çoi në identifikimin e tij menjëherë pas krimit.
