Shpesh është trumbetuar nga Ministri i Brendshëm, Fatmir Xhafaj, se krimi i organizuar shumë shpejtë nuk do të ketë të ardhme në Shqipëri. Puna nuk ka për tu ndalur për të shkatërruar rrjetet kriminale, infrastrukturën e tyre, fuqinë e tyre ekonomike.
Teksa flitet për histori suksesi, shumë pak bëhet në këtë drejtim. Të paktën ky reflektim vjen nga gazetari Flamur Vezaj, i cili nuk nguron të citojë shumë emra, që sipas tij janë ‘peshq të mëdhenj’, ata të cilët kanë pushtetin e bëjnë ligjin në vend.
Përmes një analize plot argumente, ai tallet sesi policia reflekton sukses sekuestrimin e pronave të një të vrari, kur në vend bëhet nami me pushtetin e biznesmenëve.
Këtu ai cek faktin se janë shumë “biznesmenë” që po shijojnë frytet e “trafiqeve”, nën mbrojtjen e politikës në Shqipëri.
“Policia e Shtetit, në bashkëpunim me Prokurorinë, herë pas here njoftojnë për suksesin e operacioneve në emër të “Forces së ligjit”! “Këtë lloj “suksesi” e njoftuan edhe këto ditë me sekuestrimin e pronave të një te vrari, thënë ndryshe familjareve të një të vdekuri! Ky “sukses” vjen në kohën kur të gjithë po flasin për mos veprimin e policisë e Prokurorisë në zbatim të ligjit antimafia për “biznesmenin”, lushnjarin me 5 emra, mikun e politikanëve dhe të denuarin si pjesë e bandes së Aldo Bares në trafikun e drogës, tashmë të rehabilituar dhe të “penduar”! Por nuk është vetem lushnjari me 5 emra i njohur si miku i T.Ballës, G.Rucit, S.Abazit, A.Ahmetajt e E.Veliajt, që nuk është hetuar për pasurine dhe “Forca e ligjit” nuk po vepron! Por janë shume “biznesmenë” të tjerë që po shijojnë frytet e “trafiqeve” nën mbrojtjen e politikes në Shqipëri! Po mundohem të kujtoj disa, sidomos të atyre peshqve të renditur poshtë e lartë ne zyrat e ndërkombëtarëve e që njihen edhe si “VIP”-a (të krimit) në Shqipëri!
Por mos ti ngelet hatri atyre që nuk ia kam renditur emrin këtë radhë, se mund ti rendisë në shkrimin e radhës, pa merak! Pyesin shume diplomatë dhe shqiptarë të ndershëm se pse nuk vepron “Forca e Ligjit” në zbatim te ligjit Antimafia, duke i hetuar pasurinë vëllait të Ministrit të Brendshëm, i dënuar për “trafik droge”, shtetasit Agron Xhafa, për ish-deputetin Shkelqim Selami, i hetuar për trafik klandestinesh, ish-deputetin Aqif Rakipi i dënuar per vjedhje, Elvis Roshin e dënuar për disa vepra, ish-deputetin Arben Ndoka i denuar për “prostitucion”, ish-deputetin Armando Prenga, kryetari i Bashkisë së Krujës Artur Bushi, Kryetari i Bashkisë së Elbasanit Qazim Sejdini, pasi dhëndri i dyshohet për “trafik droge” prej vitesh, ai i Bashkisë së Mallakastrës Agron Kapllanaj, kryetarit të Bashkisë se Poliçanit Adriatik Zotkaj, pasi i vëllai është arrestuar për drogë, deputetit Jurgen Çyrbja si bashkëpunëtor i “bandes” se Emiljano Shullazit, etj etj…
Për të vazhduar me disa “biznesmenë” me lidhje te fuqishme në politike si Bardhok Pllana, Durim Keçit, Elvis Martini, Safet Bajri e ortakët e tij, Vladimir Gjutën, Arben Isufaj i njohur si “Ben Qimja”, Renato Saliu i njohur edhe si Renato Çami, e prokurorit Petrit Fusha për shkak të dënimit të vëllait për “trafik droge”….etj etj! Kur të veprojë “Forca e Ligjit” ndaj këtyre e shumë të tjerëve si keta, atëherë mund të themi qe ka “suksese” Policia e Shtetit e Prokuroria! Por deri atëherë, kur të ndodh kjo, vazhdoni e merruni me njerëz të vdekur, se për te gjallët nuk ju le politika të bëni detyrën!”, përfundon ai.
