Mediat italiane raportojnë për 38 të vdekur, si pasojë e shembjes së urës në Xhenova të Italisë. Mes tyre, 3 prej të vdekurve janë fëmijë; një djalë 8-vjeçar dhe dy adoleshentë të moshës 12 dhe 13-vjeç.
Nga ana e policisë dhe forcave zjarrfikëse vijojnë pa ndërprerje kërkimet, nën rrënoja për të zhdukurit. Zjarrfikësit kanë punuar gjithë natën, ndërsa kanë bërë të mundur nxjerrjen e tre trupave të tjerë nga rrënojat e urës.
Raportohet për 16 të plagosur, 12 prej të cilëve në gjendje të rëndë.
