Është rritur edhe më tej bilanci negativ i personave që kanë humbur jetën si pasojë e të ftohtit të acartë në SHBA. Bëhet fjalë për 21 viktima. Temperaturat kanë arritur në -32 gradë celcius.
Një pjesë e madhe e Shteteve të Bashkuara janë mbërthyer nga i ftohti ekstrem.
Meteorologët thonë se moti ekstrem i këtyre ditëve ishte rezultat i luhatjeve atmosferike në Polin e Veriut. Një rrymë ajri të ngrohtë nga Afrika Veriore, e cila ka lëvizur drejt veriut, ka shtyrë ajrin e ftohtë të polit drejt Amerikës së Veriut, deri poshtë në Florida.
