19 të vdekur është bilanci i rëndë, si pasojë e rrëzimit të një helikopteri rus. Mediat njoftojnë se kanë humbur jetën 3 anëtarë të ekuipazhit, dhe 16 pasagjerë.
Helikopteri rus është rrëzuar në rajonin e Krasnoyarsk Territory, ndërsa mediat thonë se janë regjistruar të paktën 19 viktima. Ministria e Emergjencave të Rusisë ka deklaruar se helikopteri MI-8 është rrëzuar në orën 03:20, rreth 180 kilometra larg nga qyteti i Igarkës.
Lidhur me këtë ngjarje, aktualisht është ngritur një grup pune, që po heton për të zbardhur shkaqet e rrëzimit të helikopterit, proces që pritet të zgjasë disa ditë.
