Në datën 5 dhjetor do të nisë reality-show i shumëpritur “Big Brother Vip Kosova”. Programi do të moderohet nga Alaudin Hamiti dhe Jonida Vokshi.
Ndërkaq, në poltronat e opinionistëve do të jenë Olti Curri dhe Tuna. Mbetet për t’u parë nëse ky format do të jetë një herë apo dy herë në javë.
Më 5 dhjetor banorët do të futen në ambientet e shtëpisë, në një aventurë e cila do të zgjasë mbi 100 ditë.
Nata e 5 dhjetorit kur edhe do të futen banorët e parë në shtëpinë unike të punuar me përkushtim, do të jetë e mbushur me befasi nga më të ndryshmet dhe do të jetë super spektakolare.
Në po të njëjtën ditë pritet të zbulohen edhe emrat e personazheve VIP që do të hyjnë në shtëpi.
