Prodhimi i elbit dhe grurit në rajonin e Kumanovës është më i ulët, në krahasim me vitet e mëparshme.
Shkak për uljen e prodhimit janë bërë kryesisht kushtet jo të mira të motit.
Udhëheqësi i Njësisë Rajonale të Ministrisë së Bujqësisë, Pylltarisë dhe Ekonomisë së Ujërave, Naser Dauti ka informuar se te ndërmarrjet bujqësore rendimentet janë prej 2.000 deri 2.500 kilogramë për hektarë, ndërsa te bujqit individualë nga 1.000 deri 1.500 kilogramë.
“Në Kumanovë, Likovë dhe Nagoreçan të Vjetër janë mbjellë 12.820 hektarë grurë prej të cilëve pjesa më e madhe te bujqit individual, 10.820. Elb është mbjellë në 8.713, prej të cilave 7.713 te bujqit individual”, tha Dauti, duke konfirmuar kështu rënien e prodhimit.
