Sipas Ministrisë së Punëve të Brendshme në Kosovë, numri i personave që po kërkojnë azil në vendet e BE-së është ulur ndjeshëm.
Kjo vjen si pasojë e mosmarrëveshjeve për shkak të demarkacionit dhe asociacionit dhe mosliberalizimit të vizave.
Kështu, qytetarët e Kosovës nuk po e shohin më të favorshme mundësinë e largimit nga vendi.
Valdet Hoxha, zv.ministër në MPB tha se vetëm në dy vitet fundit në Kosovë janë kthyer rreth 32 mijë qytetarë nga vendet e Bashkimit Europian.
Ndërkohë, Drejtori i Qendrës së Politikave të Sigurisë, Burim Ramadani, tha në një prononcim për Arbresh.info, se interesi i të rinjve në përgjithësi është largimi nga Kosova.
“Në përgjithësi mund të vlerësohet se interesi i të rinjve është largimi nga Kosova. Kjo për shkak të bllokimit të perspektivës së tyre dhe mungesës së vendeve të reja të punës”, tha Ramadani.
Shumica e vendeve anëtare të BE-së, tashmë e konsiderojnë Kosovën si shtet të sigurt, ndaj gjasat për azil janë zero.
