Në një deklaratë për mediat, kandidati demokrat për zgjedhjet presidenciale në SHBA, Joe Biden, u shfaq i kënaqur lidhur me ecurinë e procesit të numërimit të votave.
Sipas tij, pavarësisht gjithçkaje, kundërshtarët politikë nuk duhen parë si armiq.
Joe Biden: “Jemi sot këtu dhe mendoj se kemi shumë për të thënë sonte dhe nesër. Ka qenë misioni ynë për kaq kohë. Nëse ka pasur ndonjë ndryshim nuk do të kemi më. Pushtetin e ka populli dhe nuk mund t’i merret. Është Presidenti i SHBA që e mban pushtetin për popullin. 70 milionë amerikanë votuan për mua.
Pas një nate të vështirë numërimi kemi fituar shumë shtete për të arritur 270. Kur të mbarojë votimi besoj se do të jemi fitues. Shpresojmë që të fitojmë me të njëjtën diferencë që ka fituar Trump në 2016 në Michigan. Ata do e përfundojnë shpejt votimin e tyre. Ne kemi fituar 78 % të votave me postë në Pensilvani. Në Arizona kemi fituar shumicën e votave. Kjo do të rritet”. Çdo votë duhet numëruar. Askush nuk mund të na marrë demokracinë”.
Deklarata e Biden u bë nga vendlindja e tij Wilmington, në Delaware, i fituar në këto zgjedhje nga demokratët.
Deri më tani, Biden ka 248 vota elektorale, ndërsa Trump ka 214.
