Me daljen e listës së re të kandidatëve për deputet të Partisë Socialiste, kanë nisur edhe reagimet e para të personave të cilët kanë shprehur qejfmbetjen e tyre ndaj kryeministrit të Rama.
Këtë rast, duket se e ka shfrytëzuar mirë deputeti i PD-së, Sali Berisha, duke komentuar në rrjetin socila “Facebook” disa nga polemikat e bëra publike gjatë ditës së djeshme.
Statusi i Plotë:
Namik te ka mbetur ora në kohën e Dullës!
Falëndero Ramën sepse të ka nderuar, ai të ka zëvendësuar jo me hajdutë pulash, por bankash!!
Të dashur miq, dje lexova në media se Namik Dokle, themelues kryesor i Partisë Siçiliste, pasi Edvin Kristaq Rama e përjashtoi nga listat e deputetëve, kercënoi atë duke i thënë i ziu ti po më zëvendësove me ndonjë hajdut pulash!
Kjo shprehje miq, përdorej në kohën e diktaturës së Dullës ku zakonishte gjëja më e çmuar për t’u vjedhur ishte ndonjë pulë.
Kurse në kohen e Edvinit, vjedhja e pulave nuk ekziston, sepse është zëvendësuar me vjedhjen e bankave.
Prandaj miq duket se Dokles i ka mbetur ora në kohën e Dullës. Ai duhet të ndjehet krenar se Rama në të vertetë e ka zëvendësuar jo me hajdutë pulash por me hajdutë bankash! sb
