Rruga e vetme për zhvillimin e Shqipërisë, është përballja me qeverinë. Kështu është shprehur ish-kryeministri Sali Berisha në një bashkëbisedim të opozitës së bashkuar, për buxhetin e vitit 2019.
Deputeti demokrat tha ndër të tjera se sa më shumë kohë të kalojë, qytetarët do të paguajnë çmim më të lartë.
“Vendi qeveriset nga një kriminel skizofren. Është fatkeqësi që është i sëmurë psikik, por problemi është së ai ka një energji të pafundme negative. Nga mëngjesi në darkë e keni në televizor duke dezinformuar qytetarët dhe duke rrezatuar negativitete. Absolutisht nuk ka gjë më të rëndësishme se buxheti për një popull, nuk ka gjë më të rëndësishme për biznesin se sa paketa fiskale, por asgjë nuk mund të zgjidhet derisa të largojmë organizatën kriminale, që quhet qeveri. Që ka ndërtuar këtu një narkoshtet, paratë e drogës vrasin çdo ditë biznesin ato blejnë politikanë bëjnë amandamente diktojnë konkurrencën. Nuk duhet të kemi asnjë iluzion, duhet të përballemi me këtë qeveri. Të përballemi me këtë të keqe të madhe, rruga e vetme për t’i hapur rrugën Shqipërisë, është përballja. Dhe sa më shumë të kalojë kjo kohë aq çmim më të lartë do të paguajmë në çdo aspekt”, tha Berisha.
