Ish-kryeministri Berisha foli për mediat pas përfundimit të mbledhjes së zhvilluar me Gazment Bardhin dhe deputetët e tjerër të opozitës. Berisha tha se do të vijojnë betejën “dhëmb për dhëmb” kundrejt maxhorancës duke shtuar se deputetët e PS nuk duhet që të provokojnë kolegët e tyre.
“Diskutuam si t’i përgjigjemi dhëmb për dhëmb përpjekjeve të Ramës për vazhdimin e mohimit të të drejtave të deputetëve në Kuvend. Dënoj çdo provokim që bëhet në kohën që ne jemi në protestë në Kuvend, u kërkoj deputetëve të PS në Kuvend që të mos marrin rolin e provokatorit. Respektoni protestën. Mos ndodhë si dje, që ne protestonim dhe ata zhurmonin. Dje nuk pati dhunë se unë isha aty, nuk e goditi…”, tha ai.
Më parë socialistët kërkuan përjashtimin e deputetëve; Flamur Nokën, Gazmend Bardhin, Bledian Nallbati, Edi Paloka, Albana Vokshi, Lefter Gështenja dhe Saimir Korreshi.
