Ish-kryeministri Sali Berisha, me anë të një statusi në “Facebook”, ka publikuar meshin sipas tij të dërguar nga “doganieri dixhital”, ku shkruan se kamionët e drogës nuk skanoheshin në doganën e Durrësit nga shtetasi Besmir Qibinit.
Statusi i plotë
Ja se si kalon droga ne doganen e Durresit!
Doganieri dixhital denoncon:
Qebinin e Tahirit dhe ndrikullen drejtoreshe te doganave, qe prejashtojne nga skanimi kamionet me droge ne narko-doganen e Durresit!
Lexoni mesazhin e doganierit dixhital. sb
“Mirmbrema Dr . Jam punonjes I doganes ne Durres.
Konstatimi i gazetarit ne opinion eshte shume i sakte.
Sepse eshte e vertete qe skanimi ne doganen e Durresit, deri kur u kap sasia e madhe e droges ne Ankona, behej me perzgjedhje manuale me urdher te Besmir Qibinit( njeriu i Tahirit ne dogane) dhe te Drejtoreshes se Pergjitheshme te Doganave aktuale.
Vetem pas kesaj goditje, u dha urdheri i skanimit 100% ne Portin e Durresit, per te fshehur gjurmet nga prokuroria.
Akoma edhe sot, qellimisht, moduli i riskut ne sistemin kompiuterik te doganave per perzgjedhjen e mjeteve qe duhet te skanohen, per ekportet nga doganat e brendeshme dhe tranzitet nderkombetare, nuk funksionon.
Per keto vite, ky ka qene “shtegu” i lire nga kane kaluar tonelatat e droges, deri sa u godit ne dy raste nga policia italiane.
Kjo procedure eshte lene ne heshtje qellimisht nga drejtuesit e doganes edhe sot e kesaj dite, per tu perdorur perseri.”
Gazetari Artan Hoxha tha para disa ditësh në emisionin “Opinion” se Porti i Durrësit është një nga rrugët kryesore të trafikut të drogës nga Shqipëria në Itali. Ai ngriti pyetjen dhe dyshimet se si ka mundësi që skaneri shqiptar në Portin e Durrësit që është 10 vjet më i ri se skaneri italian nuk i kap ngarkesat e drogës në kamionë gjatë skanerit para se të nisen për në Itali.
“Një nga rrugët kryesore të trafikimit të drogës, është porti i Durrësit, ku çdo kamion skanohet, dhe skanimit nuk e ka shteti por një kompani private e huaj. Kompania amerikane që e ka patur është larguar në janar të 2016-s. Ajo e kapte kanabisin dhe është e specializuar për drogën dhe armët. Ka kaluar në skaner gjatë vitit të kaluar, dhe pasi skanohet vihet me kryq pjesa ku mendohet se fshihet droga. Kanë shënuar kokën e trailerit, dhe pasi e kontrolluar gjetën aty ushqime që i mbante shoferi. Kur shkoi në Itali, skaneri atje gjeti ngarkesën 1 ton drogë brenda në karrocerinë me dru. U dënua doganieri të cilit i thanë kontrollo kabinën. Skaneri jonë i sofistikuar nuk e kapi, kurse skaneri vjetër italian e kapi,” tha Hoxha.
