Ambasadorja e SHBA-ve në Tiranë, Yuri Kim ka ndërmarrë një tur në të gjithë Shqipërinë, teska po viziton disa qytete në vend.
Paraditen e sotme, ambasadorja ka vizituar qytetin e Kukësit, teksa mbasditen, ajo ka zgjedhur që ta kalojë në Tropojë, ku ka bërë disa foto.
Në rrjetet sociale, Kim ka shpërndarë foton e maleve dhe peisazhit natyror, duke e shoqëruar me përshkrimin: Bajram Curri, Tropoja, Pa filter.
Ambasadorja ka kaluar disa momente të bukura pikërisht në vendlindjen e ish-kryeministrit Sali Berisha, të cilin SHBA e ka shpallur non-grata”.
View this post on Instagram
Më 19 maj, Departamenti amerikan i Shtetit (DASH), shpalli ”non grata” ish-kryeministrin Sali Berisha dhe familjen e tij.
Lajmi u dha nga Sekretari Amerikan i Shtetit, Antony Blinken i cili njoftoi zyrtarisht se Berisha ka minuar demokracinë, dhe se gjatë ushtrimit të detyrës së kryeministrit, është përfshirë në afera korruptive.
Në faqen zyrtare, DASH ka publikuar vendimin e plotë, ku thuhet se Berisha ka qenë i përfshirë në veprime korruptive për shpërdorim të fondeve publike, dhe ndërhyrje në proceset publike duke përdorur pushtetin.
Në vendimin e tij, Blinken ka përcaktuar si të papërshtatshëm edhe bashkëshorten e ish-kryeministrit Liri Berisha, djalin Shkëlzen Berisha dhe vajzën Argita Berisha Malltezi.
Berisha ka vendosur të padisë Blinken në Gjykatën Korreksionale të Parisit për shpifje publike, teksa avokati i tij do të jetë Jean-Yves Le Borgne.
