Portieri i kombëtares shqiptare, Etrit Berisha nuk është më zgjedhja e parë e trajnerit të Atalantës, Gasperini. Tashmë ai është mësuar që të ngrohë stolin pasi i ishte komunikuar që në fundin e sezonit të shkuar se ai do të ishte zgjedhja e dytë. Gardiani kuqezi nuk arriti të gjej klub tjetër dhe tashmë vazhdon të jetë në Bergamo.
Atalanta luan ndeshjen e parë në Serie A përballë Frosinone dhe ashtu si pritej Berisha është në stol. Kjo gjë pritej, pasi në ndeshjet e “Europa League” Berisha nuk e pa veten ndonjëherë mes shtyllave. Vendin e shqiptarit e ka zënë Pierluixhi Gollini, i ardhur këtë verë nga Aston Villa. Mungesa e Berishës mund të sjellë probleme edhe në kombëtaren shqiptare, por nuk do të jetë problemi i vetëm pasi djemtë e Panuccit nuk janë duke u aktivizuar shumë në këtë sezon.
Por në formacionin e Atalantës nuk do të mungojnë shqiptarët, pasi është Berat Gjimshitit në formacionin titullar. Pas një kalvari huazimesh trajneri vendosi ta mbaj në skuadër, kjo edhe për faktin që një pjesë e mbrojtësve janë të dëmtuar. Por Gjimshiti është duke i surprizuar të gjithë me paraqitjet që po bën.
