Kryetari i Partisë Demokratike Sali Berisha në një deklaratë për mediat ditën e djeshme deklaroi se protesta do të pasohet nga forma të tjera të mosbindjes civile.
Lidhur me këtë deputeti i PD Arbi Agalliu, i ftuar në një studio televizive, u shpreh se ajo protestë ishte një teatër i madh për të ruajtur interesat e tyre politike, teksa theksoi se protestat duhet ti bëjnë sindikatat dhe jo partitë politike.
Ai tha se kjo opozitë po tenton të dërgojë njerëzit në konflikt civil, por besoj se masa e ka kuptuar se asnjë nga këto dy forca nuk ëhstë alternativë.
Sipas tij opozita duhet të vetëpastrohet para se të sulmojë qeverinë dhe ata nuk mund të shihen si alternativë për aq kohë sa nuk janë konsistentë në ato që thonë.
“Në çdo ditë dhe javë dëgjoj nisi revolucioni, hapi i parë, unë mendoj që nëse sot ne dalim në rrugë dhe pyesim 10 qytetarë, 8 janë të sigurtë se janë të pakënaqur nga kjo qeveri, ndërkohë po kaq apo më shumë shohin këtë alternativë që shfaqet nga ana tjetër dhe më problematike, sepse s’mund të shohësh alternativë një të korruptuar te një më shumë i korruptuar. Këta nuk bëjnë një analizë pse ikën nga pushteti dhe të nisë ringritja siç duhet, por vriten politikisht të gjithë ata individë që mendojnë diçka ndryshe.
Po kështu e dënoj dhunën e një partie politike ajo çon në konflikt civil më pas. Dhuna nuk është e pranueshme sepse situata agravon dhe mendoj se kjo po tentohet të bëhet që të çohen njerëzit në konflikt edhe pse besoj se masa, e kupton që asnjëra nga këto dy parti s’mund të jetë alternativë.”
Më tej ai shtoi se problematika e madhe e qeverisë, abuzimet sfumohen me sjelljen e disa kolegëve dhe ky është problemi, pra zhurma e tyre në kuvend sfumon mjetet dhe faktet që opozita ka në dorë.
“Kur vetë opozita ka brenda vetes persona të përfshirë pqërballë me drejtësinë, që i kanë shpallur luftë anglo-amerikane patjetër që kjo qeveri do qëndrojë sepse bëmat do sfumohen. Ndaj një pjesë e deputetëve sot jemi shkëputur sepse duhet së pari të mbështesim sistemin e drejtësisë pa kushte.
Nëse mbron disa parime dhe je konsistentë i atyre që thua mund të bëhesh një frymë. Patjetër që politika ka ndryshime por ato duhet të jenë mbi fakte të pranueshme gjerësisht dhe ky është problemi i opozitës që te njerëzit nuk reflektohet në mbështetje.”
