Ish-kryeministri ka folur sot në “Çadrën e Lirisë”, teksa ka bërë thirrje që ta vazhdojnë betejën e nisur.
Gjatë fjalës së tij, Berisha tha se Shqipëria që kryeministri do, është “Shqipëria e karriges së tij”, ndërsa shtoi se “Rama më përpara vret veten, sesa jep dorëheqjen”.
Ndër të tjera, Berisha tha:
“Edi Rama inauguroi dje një spital privat, spital ky që është inauguruar 4 vjet më parë nga Ilir Meta.
Rama premtoi se do të krijonte 300 mijë vende pune. Rama thotë se ka hapur 230 mijë vende pune.
Një raport për rajonin thotë se në të gjithë Ballkanin janë hapur gjithsej 235 mijë vende pune.
Edi Rama nuk e jep dorëheqjen. Po jua them këtu, ai më përpara vret vetes, se sa jep dorëheqjen.
Shqipëria që do Rama është Shqipëria e karriges së tij. Edi Rama shpërndan si armiq, shqiptarët në Evropë, jemi të parët në Francë si azilkërkues, sepse shteti ka në krye një kryekriminel që mendon vetëm për karrigen e tij.
Unë e kuptoj mirë se ia njoh psikologjinë Ramës; i them që do e paguash shtrenjtë se do i kesh rënë vetes në të dy tëmthat.
Ju ftoj ta vazhdojmë këtë betejë. Beteja jonë është e shenjtë, betejë për liri, mjerë ata që guxojnë t’ua prekin atë. Edi Rama, shporru, largohu!”.
