Sali Berisha u shfaq para mediave për të justifikuar fituesit e Këshillit të ri Kombëtar dhe për të ngushëlluar ato të cilët mbeten jashtë liste.
“Ndjej keqardhje për ato që meritonin plotësisht të ishin anëtare të Këshillit, por shpërndarja e votave ka sjelle lënien e tyre jashtë Këshillit Kombëtar”, u shpreh kryedemokrati.
Lista e fituesve të Këshillit Kombëtar dominohet nga ish-zëvendësministra dhe ish-drejtorë të administratës së qeverisjes së PD në vitet 2005-2013, por Berisha i dha zë vetëm faktit se në organin e dytë më të lartë të partisë 30 përqind do jenë të rinj dhe 40 përqind zonja, duke lënë të hapur ospionin që një prej nënkreytarëve të rinj që do zgjidhen këtë javë, të jetë grua.
Kur u pyet nëse do ketë gruaja një rol të rëndësishëm në pozicionet drejtuese, ndoshta në pozicion nënkryetare Sali Berisha u përgjigj: “Unë shpresoj dhe besoj se po”.
Këshilli i ri kombëtar pritet që të zgjedhë këtë javë kupolën e re drejtuese duke nisur nga Kryesia, për të vijuar me Nënkryetarët deri tek Sekretari i Përgjithshëm.
