Dorëheqja e Visho Ajazi Likës, nga drejtuesi i Shërbimi Informativ Shtetëror ka zhgënjyer ish-kryeministrin Sali Berishën. Berisha tha se Visho Ajazi është larguar në një moment të gabuar, ndërsa ka vlerësuar lart punën e tij në këtë institucion.
“Mendoj se i shërbeu vendit me dinjitet kur vendi po kanalizohej. Visho Ajazi bëri një gabim absolutisht për mua jo të pranueshëm në momentin që u largua”-tha Berisha.
Berisha tha se ai iku në momentin kur Edi Ramës i dridheshin këmbët. Sipas Berishës nuk mund të ketë zyrtar pa mandat të përcaktuar dhe nëse do ta sillte ligjin Edi Rama, për mandatin e shefit të SHISH, unë personalisht do ta votoja, shprehet Berisha
“Ai u largua kur Edi Ramës po i tundeshin këmbët. Qëndrimi im është për shefin e Shërbimit që të ketë mandat të përcaktuar. Nuk mund të ketë zyrtar pa mandat të përcaktuar. Nëse Edi Rama do të sillte ligjin për mandatin e shefit të SHISH, Sali Berisha do ta miratonte. Unë e quaj që Visho Ajazit i përfundoi mandati megjithëse ligji nuk ekziston. Zgjodhi momentin e gabuar”
Berisha tregon kohën kur është njohur me Ajazin, ndërsa thekson se kjo njohje ka pothuajse 20 vite më parë. Por, nuk mohoi faktin se ka qenë ai që ka vendosur Ajazin në krye të këtij ionstitucioni.
