Ish-kryeministri i vendit dhe njëherësh ish-kryetari i Partisë Demokratike, Sali Berisha, cilëson protestën e opozitës si sukses të shkëlqyer.
Berisha shkruan në Facebook:
“Revolucioni demokratik paralizon plotësisht për 1 orë për votën e lirë Narkorepublikën e Noriegës në Ballkan! Revolucioni drejt fitores!”
Berisha hodhi në Facebook 19 fotografi dhe një video nga akset kryesore që u bllokuan në vend. Subjekt i fotove janë qytetarët me protestën e tyre paqësore. Video e postuar shfaq filmime të një autoambulance që lejohet të kalojë nga protestuesit te “Ura e Djlanit”, në Durrës.
Ish-kryetari i PD-së zgjodhi të mos ishte i pranishëm në protestë. U mbetet analistëve të politikës që të komentojnë, analizojnë dhe aludojnë për këtë mungesë të Berishës.
Për momentin duket se protestuesit janë maturuar dhe nuk kërkojnë të protestojnë me akte të dhunshme për të drejtat dhe liritë e tyre. Edhe pse kryetari i PS-së, Lulzim Basha, deklaroi se protestat e opozitës do të përshkallëzohen në qoftë se kryeministri Rama do të vazhdojë të sillet arrogant me kërkesat e opozitës.
Deri më tani duket se qytetarët e kanë bërë zgjedhjen e tyre për të qenë protestues paqësor deri në fund.
