Në një pronë private afër Beogradit është zbuluar depo me materiale të cilat kanë një shkallë të lartë toksike, të vendosur në mënyrë ilegale në kontejnerë.
Ministria e ambientit e Serbisë ka njoftuar mbrëmë se në depot e fshehta janë gjetur rreth 25 tonë mbeturina kimike të cilat ishin vendosur në një gropë në territorin e qytetit Obrenovac, afro 50 kilometra në jugperëndim të Beogradit.
Një ambientalist, u tha gazetarëve se ky aksion i policisë ka ndihmuar në shmangien e një “katastrofe ambientale”.
Zyrtarët thanë se po zhvillohen teste për të përcaktuar nëse këto mbeturina e kanë helmuar tokën dhe puset në afërsi, nëse testet dalin pozitive atëherë është problem madhor sepse efektet e helmeve toksike nuk kanë efekt të menjëhershëm por dihen mirë pasojat që japin. Kudo ku helmet toksike shkojnë sjellin vetëm vdekje.
Policia tha se pronari i pronës ku janë gjetur materialet është arrestuar dhe ai mund të ballafaqohet me akuza për rrezikim të sigurisë publike.
