Drejtuesi i LIBRA-s, Ben Blushi theksoi se me refuzimin e LSI-së për të hyrë në zgjedhje dhe mospjesëmarrjen e opozitës, Shqipëria do të shndërrohet në një republikë autokratike.
Blushi vuri në dukje se “nëse LSI nuk hyn në zgjedhje, Edi Rama përfundon në 100 mandate. Ai mund të ndryshojë Kushtetutën e Shqipërisë duke e kthyer vendin në një republikë presidenciale si ajo e Erdoganit. Nëse LIBRA nuk hyn në zgjedhje, Edi Rama mund t’i shtojë mandatet. Nuk duhet ta lëmë që të bëjë një referendum për veten e tij”.
Nga ana e tij, ministri i Financave, Arben Ahmetaj kundërshtoi Ben Blushin, duke thënë se e folura e këtij të fundit i ngjan ligjërimit të çadrës. Sipas Ahmetajt, “opozita kërkon një pushtet në tavolinë. Kërkon ta marrë pushtetin përmes një puçi të quajtur “qeveri teknike”. Ne do të shkojmë në zgjedhje, le të vijë edhe opozita.
Tirana Today
