Dita e sotme ka qenë një ditë jo fort e këndshme për shtetasin Kastriot M., banues në Vlorë.
Ky i fundit është goditur nga një mjet tip Benz, teksa ngiste një motoçikletë.
Kështu, policia e Vlorës ka arrestuar në flagrancë 18-vjeçarin Mikel.S., pasi në rrugën ”At Kristo Negovani”, duke drejtuar mjetin tip “Benz” nuk i është bindur urdhrit të patrullës së Policisë Rrugore për të ndaluar.
Mikeli ka goditur çiklomotorin e drejtuar prej shtetasit Kastriot.M.
Megjithatë, policia ka arrestuar edhe të aksidentuarin, i cili rezultoi se drejtonte çiklomotorin i pa pajisur me leje drejtimi përkatëse.
Materialet hetimore i kaluan Prokurorisë së Rrethit Gjyqësor Vlorë, ndaj shtetasve të mësipërm për veprime të mëtejshme proceduriale.
