Bëhuni gati për ‘spektakël’, Tuna i kujton Robertit vajzën jashtëmartesore

Një intervistë e fundit e këngëtares Tuna dhënë për emisionin “Prive” shkaktoi shumë bujë mediatike për shkak se jo vetëm u rikthye pas dy viteve mungesë, pasi i ishte përkushtuar të birit Tian, por edhe sepse reagoi për herë të parë kundrejt deklaratës së bërë muaj më parë në televizion nga kunati i saj Robert Berisha.
Por, kur të gjithë menduam se Tuna tha atë fjalinë e përgjithshme “Nuk e kam komentuar për arsye se për mua nuk kanë vlerë, e vetmja gjë që ka vlerë për mua në këtë fazë është familja ime.”
Mesa duket këngëtarja ka thumbuar keq Robertin po gjatë kësaj deklarate por asnjë nuk e ka kapur, pasi Tuna ia ka thënë sikundër thotë populli “me të qeshur me të ngjeshur”. Në një moment të intervistës, e pyetur lidhur me përjetimin e prindërve të saj si gjyshër pas lindjes së nipit Tian, këngëtarja tregoi se vogëlushi ka sjellë shumë lumturi te prindërit e saj sepse ai është nipi i parë në familjen Sejdi.
“Në të njëjtën kohë është edhe mashkulli/ djali i parë në familjen e Berisha-jve. Natyrisht që në familjen time ka qenë një emocion pak më i madh, më entuziast sepse ne nipa e mbesa nuk kemi pas, ndryshe nga ata të familjes së Patrisit të cilët i kanë 4 bukuroshe e kanë Naldën, Anikën, Aronën, Renee…” .
Pikërisht në mesin e këtyre rreshtave fshihet edhe kunji që i ka bërë Tuna kunatiti të saj.
Të gjithë kanë menduar se Tuna në këtë pikë i rregulloi punët dhe sapo i bëri qejfin Robertit me Norën?! E keni gabim. Lexojeni edhe njëherë: “…ndryshe nga ata të familjes së Patrisit të cilët i kanë 4 bukuroshe e kanë Naldën, Anikën, Aronën, Renee…”
Ju thotë gjë emri Arona?!Nëse e keni harruar, po ua rikujtojmë.
Aarona është vajza e përfolur që Robert Berisha mendohet se ka nga një lidhje jashtë martesore, dhe është cilësuar nga mediat edhe si “molla e sherrit” mes tij dhe kunatës Tuna Sejdi.
Mediat shkruajnë se deklarata e Robertit bërë muaj më parë erdhi pasi Tuna në ditëlindjen e parë të djalit të saj kishte ftuar edhe vogëlushen Aaronën me mamanë e saj, pasi janë mikesha të ngushta. Mendohet se ky ka qenë edhe shkaku pse Nora dhe Roberti nuk kanë qene në festën e ditëlindjes së nipit.