Nga 1 prilli, mijëra biznese të vogla me xhiro vjetore mbi 2 milionë lekë, do të hyjnë në skemën e Tatimit mbi Vlerën e Shtuar.
Por, opozita tha se kjo lëvizje e qeverisë, përveçse do të rrisë kostot e produkteve për qytetarët, do të ulë edhe fitimin e bizneseve të mbijetesës.
“Fitimi do të ulet nga 23% që është sot, mesatarisht në 16% vetëm për shkak të kostove administrative”, deklaroi Jorida Tabaku.
Por, nga data 1 prill hyn në fuqi edhe një tjetër ndryshim i rëndësishëm i taksës, që prek familjarët. Kjo është taksa e pronës, që nuk do të paguhet më si fikse mbi metër katrorë, por do të jetë sa 0.05% e vlerës së shtëpisë.
Tabaku theksoi: “Kjo është taksë selektive. Sepse hotelet i përjashtoni, ndërsa familjarët do ta paguajnë. Për disa raste, taksa për familjet rritet nga 2 deri në 4 herë”.
Ahmetaj u përgjigj: “Më gjeni një rast ku rritet aq. Po të marr një shtëpi 70 metër, do të paguajë vetëm 102 lekë në muaj”.
