Romelu Lukaku i ka befasuar të gjithë me deklaratën e tij se pas Europianit 2020 do të tërhiqet nga kombëtarja e Belgjikës. Një vendim i papritur ky, duke pasur parasysh që sulmuesi i Manchester United është vetëm 25 vjeç.
Botërori i Rusisë me shumë mundësi do të jetë i fundit për të në një Kupë Bote, ku ai bëri një paraqitje mjaft të mirë dhe me Belgjikën e tij arriti deri në gjysmëfinale. Sulmuesi belg që tani është golashënuesi më i mirë i vendit të tij, pasi ka gjetur rrjetën 40 herë me Djajtë e Kuq.
“Pas Europianit mendoj se do të tërhiqem. Në çdo kompeticon të madh objektivi ynë është gjysmëfinalja, dhe më pas të shohim. Jam 25 vjeç, akoma nuk jam në moshën ideale për një sulmues. Por ka shumë sulmues të mirë te Belgjika. Kështu që, pas dy viteve vendi i qendërsulmuesit mund të jetë i tyre.”
