Ministri i Jashtëm i Greqisë ka shokuar me një deklaratë të bërë sot për një radio në shtetin helen, ku ka folur për kërcënimet e herëpashershme që i janë bërë.
Ai është shprehur se është kërcënuar me jetë, për më shume se 800 herë.
Në mënyrë të veçantë duke folur në radio 24/7 tha: “Më kanë dërguar kuti me gjak dhe me plumba”, duke vijuar të deklarojë se kërcënuesit që e kanë sulmuar më shumë për çështjen e arritjes së marrëveshjes me Maqedoninë.
Ndërsa duke tronditur me deklaratën e tij ai ka thënë se nëpër mitingje qytetarë i kanë bërë thirrje me sloganin se: “Silli armët tona për të marrim Shkupin”. Ai ka bërë thirrje se pse Prokuroria nuk ka ndërhyrë për të hetuar rastet në fjalë.
“Kam marrë mesazha 800 kërcënuese kundër jetës sime dhe familjes sime. Më kanë sjellë kuti të njollosura me gjak. Ku është prokuroria? Ne po flasim për krime të rënda, për të cilat askush nuk ka reaguar. Kam gjetur adresat dhe emrat e njerëzve që më kërcënojnë në telefon. Po flasim për një gjendje të gjuhës së urrejtjes, e cila duhet të përfundojë”,- tha ai.
