Rezultatet e dobëta në javët e fundit dhe sidomos humbja me Kukësin në shtëpi detyruan drejtuesit e Kamzës që të shkarkonin nga posti i trajnerit Rmadan Ndreun. Por duket se drejtuesit e Kamzës nuk kanë humbur kohë dhe kanë zgjedhur që të emërojnë menjëherë trajnerin e ri. Kur kanë mbetur edhe 8 ndeshje në Superiore, Kamza do të drejtohet nga Julian Ahmataj në një mision që sa vjen dhe bëhet më i vështirë, mbijetesa.
Themi kanë guxuar, sepse ish-futbollisti i disa skuadrave në vendin tonë, nuk ka eksperiencë si trajner. Ai ka drejtuar Burrelin së fundi, në Kategorinë e Parë, prej nga ka dhënë dorëheqjen sot, për t’u “graduar” në një skuadër të elitës, për herë të parë.
Duke patur parasysh se merr përsipër një mision jo pak të vështirë, të mbajë Kamzën mes më të mirëve të vendit, ndërkohë që mbijetesën e diskuton me rivalë të tillë si Vllaznia, Teuta, por edhe Flamurtari, mund të themi se edhe vetë Ahmataj ka guxuar. Megjithatë, fundi i kampionatit do të tregojë se sa efikase do të jetë kjo zgjedhje e presidenti Naim Qarri dhe e kryebashkiakut Xhelal Mziu.
