Stërvitja intensive nuk është çelësi i suksesit në sport, këtë e vërteton kampioni i Europës dhe Ballkanit në kërcim së gjati, Izmir Smajlaj. I ftuar në “Pop Culture” ai është shprehur se përpos stërvitjes, një sportist që të arrijë objektivat e vendosura duhet të ketë edhe një jetë familjare të rregullt. Smajlaj u ka sugjeruar sportistëve që të martohen sa më të rinj nëse do duan që të kenë sukses.
“Për të pasur karrierë të suksesshme, sportisti duhet të martohet herët. Unë kisha një vit e gjysmë i lidhur dhe në janar jam fejuar”, tha Smajlaj.
Kur u pyet nëse e fejuara i bëhej xheloze, atleti nga Shkodra deklaroi: “Edhe bëhet xheloze, sidomos kur iki jashtë shtetit për stërvitje, që i bie të largohem 1-2 muaj. Kur bëhet xheloze, i them që të vijë te mua”.
Në lidhje me të ardhmen, Izmir Smajlaj u shpreh: “Është herët për të folur, të mbyll një herë karrierën, më pas të shohim… Mund të bëhem trajner ose menaxher”.
