Beckham fitoi bastin, ja si reagon gjiganti Ibrahimovic

Basti mes tyre për ndeshjen Suedi-Angli tërhoqi vëmendjen e të gjitha mediave botërori. Bëhet fjalë për Zlatan Ibrahimovic dhe David Beckham të cilët vendosën një bast ku suedezi ishte iniciatori. Një ditë përpara ndeshjes, ai postoi: “Nëse Anglia fiton, unë të qeras me darkën në çdo vend të botës që ti të duash, por nëse fiton Suedia, ti do të më blesh çfarë të dua në IKEA”.Legjenda angleze e pranoi sfidën me shumë kënaqësi, mbase edhe i bindur që nuk do të dilte i humbur nga ky bast dhe vendosi vetëm një kusht: “Nëse Suedia fiton, unë personalisht do të dërgoj ty tek IKEA të blesh çfarë të duash për vilën tënde të re në Los Anxheles.Por nëse Anglia fiton, unë dua që të vish të shohësh një ndeshje të Anglisë në ‘Wembley’ me një fanellë të Anglisë veshur. Madje, në pushimin e ndeshjes do të hash peshk dhe patate”. 36-vjeçari pas ndeshjes pranoi bastin pa shumë fjalë dhe shkroi vetëm: “Le të shkojmë”.