Bashkimi Evropian vijon me kërkesat ndaj Kosovës për heqjen e taksës 100% ndaj mallrave serbe.
Këtë herë ka qenë zëdhënësja e BE-së, Maja Kocijançiç ajo që ka deklaruar se Brukseli pret të hiqet taksa dhe të dyja shtetet, Serbia dhe Kosova të angazhohen për vazhdimin e dialogut.
“Bashkimi Evropian pret që Serbia e Kosova të angazhohen në procesin e dialogut, në mënyrë që të shkohet drejt normalizimit të plotë të marrëdhënieve midis dy vendeve”, ka thënë ndër të tjera Kocijançiç.
Ndërkohë, kryeministri Haradinaj është i vendosur për të mos e hequr taksën, deri në njohjen e Kosovës nga Serbia.
