BBC kërkon falje pasi raporti zbuloi se kishte përdorur metoda mashtruese për të siguruar intervistën me Dianën
BBC-ja kërkoi ndjesë të pakushtëzuar pasi një raport zbuloi se një reporter i shquar përdori metoda “mashtruese” për të siguruar një intervistë historike me Princeshën Diana kur martesa e saj u prish.
Gazetari i BBC-së Martin Bashir zhvilloi intervistën e karrierës me Dianën në 1995-ën, në të cilën ai detajonte prishjen e marrëdhënies së saj me Princin Çarls.
CEO-ja i BBC-së, Tim Davie tha të enjten se intervista “nuk arriti pritshmëritë e publikut”.
“BBC-ja nuk mund të kthehet pas në kohë një çerek shekulli, por ne mund të kërkojmë falje pa kushte, prandaj BBC-ja po e kërkon sot,” tha Davie.
Bashir u përgjigj në një deklaratë të enjten se ishte “trishtuese” që këto polemika “lanë në hije vendimin e guximshëm të princeshës për të treguar historinë e saj”, sipas agjencisë së lajmeve PA Media.
Raporti, i shkruar nga ish gjykatësi Lord Dyson, zbuloi se Bashir i kishte treguar deklarata false bankare vëllait të Dianës, Çarls Spenser, deklarata të cilat “e mashtruan atë për të rregulluar një takim me Princeshën Diana”.
“Duke fituar akses tek Princeshë Diana në këtë mënyrë, Z. Bashir ishte në gjendje ta bindte atë që të pranonte të jepte intervistën”, vëren raporti, duke shtuar se kjo sjellje shkel praktikat e BBC-së.
