Bayer Munich ka mposhtur me rezultatin 3-1 Hannoverin dhe merr në dorë sërish kreun e tabelës së klasifikimit, duke u shkëputu në +6 nga vendi i dytë që mbahet nga Leipzig. Bavarezët kanë gjetur golin e avantazhit që në minutën e 17’ me anë të Vidal, ndërsa miqtë kanë shpërdoruar në 11-metërsh me anë të Fullkrug, por që Benschop arrin të barazojë sidoqoftë në pjesën e parë. Pjesa e dytë flet për bavarezët e Heynckes të cilët gjejnë edhe dy herë rrugën e rrjetës me anë të Coman dhe Lewndowskit, për të siguruar fitoren dhe tre pikët.
Leipzik është shkatërruar në transfertën me Hoffenheim, vendasit kanë arritur të shënojnë katër gola dhe të mos pësojnë asnjë. Një ndeshje për tu harruar për Leipzig të cilët janë ndëshkuar që në minutën e 13’ nga Amiri, për të pësuar edhe 3 gola të tjerë në të dytën. Dy golëshi i Gnabry dhe i Uth në minutat e fundit vulosën humbjen e pretendentëve për titull.
Dortmund ka harruar të fitojë, pas një pjese të parë për tu harruar, ku Leverkusen kryesonte me golin e shënuar në minutën e 30’ nga Volland dhe një kartoni të kuq për Ëendell. Verdhezinjtë nuk arrijnë të përmbysin ndeshjen edhe pse i kishin të gjitha mundësitë në të dytën. Është Yarmolenko që shpëton nga humbja ekipin e Peter Bosz, pasi në minutën e 73’ arrin të gjejë rrjetën dhe të barazojë gjithçka. Pas këtij barazimi Dortmund ka zbritur në vendi e 6 me 22 pikë dhe të mendosh që në pesë ndeshjet e fundit kanë arritur të grumbullojnë vetëm dy pikë.
Ndeshjet e tjera të luajtura ditën e sotme ishte Mainz-Augsburg e cila u fitua nga miqtë me rezutatin 1-3 dhe Werder Bremen-Sttutgart që mbaroi me rezultatin e ngushtë 1-0 për vendasit. Ndërsa është për tu luajtur edhe ndeshja mes Schalke 04 dhe Koln në mbrëmje.
