Jupp Heynckes ka pranuar se ka një interes nga Bayer Munich për ta kthyer atë në krye të pankinës deri në fund të sezonit. Ka pasur edhe ftesë nga ana e klubit por ish trajneri që fitoi shumë me Bayern nuk ka vendosur akoma asgjë. Duke folur për “Rheinische Post”, ai tha se ndihet i gatshëm për ta marrë vendin e punës, por duhet të mendojë përpara se të pranojë pozicionin deri në qershor 2018. “Ende nuk është e qartë, ndaj unë duhet të analizoj gjithçka. Kanë kaluar katër vjet e gjysmë që kur e lashë Bayernin dhe futbolli ka ndryshuar, – tha Heynckes për të përditshmen gjermane. – Ka shumë gjëra për të folur dhe nuk ka afat kohor për të marrë vendimin”.
Mediat gjermane publikuan të mërkurën vonë lajmin se Heynckes u zgjodh nga Bayern Munich për të zëvendësuar Ancelottin, duke hedhur poshtë kandidatët e tjerë, që ishin Tuchel, Luis Enrique, Van Gaal. Nëse mbyll kontratën e tij, kjo do të ishte hera e katërt e Heynckes në drejtimin e Bayern Munich. Në sezonin e tij të fundit, 2012-2013, ai i dha lamtumirën stolit bavarez me tripletë të fituar: Bundesliga, Kupa e Gjermanisë dhe Liga e Kampionëve.
