Skuadra më e suksesshme gjermane, ajo e Bayern po përballet me një lumë akuzash pas publikimit të një fotoje.
Bëhet fjalë për një foto të postuar nga ekipi gjatë festës së Halloween, e cila po cilësohet si një foto raciste. Në foto, një nga lojtarët shihet teksa mban veshjen tradicionale arabe, ndërsa në dorë ka një kuti që duket si një bombë.
Kaq ka mjaftuar që skuadra e Bayern të akuzohet për racizëm, ndërsa i menjëhershëm ka qenë edhe reagimi.
Fotoja është fshirë nga Twitteri, ndërsa lojtari Rafinha kërkoi ndjesë për mesazhin që sipas tij, nuk ishte i qëllimshëm.
“Nuk ishte synimi im që të nevrikosja apo lëndoja dikë”, ka shkruar ai duke u shfajësuar.
