Kryeministri Edi Rama ka folur nga Peja për bashkimin doganor mes Shqipërisë dhe Kosovës. Ai ka folur se brenda 6-mujorit të para të vitit 2019 do të hiqen tarifat roaming si dhe do njihen patentat mes dy shteteve.
Duke folur për bashkimin doganor Rama tha:
“Kush e shikon këtë si kërcënim në Beograd apo diku tjetër të vijë në tavolinë dhe t’ia shpjegojmë. Serbia e para duhet ta shikojë këtë si bashkëpunim dhe ta marrë shembull”.
Më tej, Rama tha se:
“0 tarifa mes Shqipërisë dhe Kosovës. Nuk ka nevojë të mbliedhemi më. Tarifa 100% në Veri dhe 0% mes nesh. Kush e konsideron si kërcenim të ulet dhe t’ia shpjegojmë. Brenda 6 mujorëshit të parë të vitit të parë: Njohje të plotë të të gjitha dokumenteve. Çfarë jepet në Shqipëri do të njihet në Kosovës dhe anasjellta. Ne nuk jemi shqiptarët dhe serbët, ne jemi shqiptrarët dhe shqiptarët. Patentat mes Kosovës dhe Shqipërisë, nuk janë si ato të Greqisë që u deshën 30 vjet negociata. Së shpejti nuk ka më roaming mes nesh. Pika e Morinës, do të funksionojmë si pa kufi. Të vendosim një fond për Ministrinë e Jashtme për të bërë një dokument analitik dhe strategjik. Një dokument demografik, social etj. E di çfarë do të thonë në Beograd por unë kam parasysh vetëm bashkimin e shqiptarëve. I duhet thënë fund qasjes së dyfytyrtë. Ne kemi një fytyrë ajo është kuqezi dhe do të përballemi me të gjitha sfidat”.
