Mirëmbajtja e Varrezave të Dëshmorëve të qytetit të Gramshit, për një periudhë 5-vjeçare, u kushton qytetarëve gramshiotë, plot 26,376,042 (njëzet e gjashtë milion e treqind e shtatëdhjetë e gjashtë mijë, e dyzet e dy) lekë (të reja) me tvsh.
Informacioni vjen nga “Open Data Albania”, rubrika “Open Spending Albania”, ku gjen të detajuara të dhëna zyrtare nga Agjencia e Prokurimit Publik, për çdo tender të zhvilluar nga një institucion publik, qendror apo lokal, që nga faza e parë, shpallja, deri në ekzekutimin e faturave nga thesari i shtetit.
Tenderi për kryerjen e këtij shërbimi është fituar nga operatori ekonomik “Kurora ”shpk, i paraqitur si konkurrent i vetëm në garë.
Kontrata me objekt “Mirëmbajtje me sipërmarrje të gjelbërimit dhe ruajta e varrezave të dëshmoreve të qytetit Gramsh”, e lidhur më 01/10.2015, ka një afat 5-vjeçar.
Tenderi është zhvilluar me procedurë të hapur.
Operatori në fjalë, në mungesë të ofertuesve të tjerë, ka fituar këtë tender, duke paraqitur si ofertë 21 980 035(njezet e nje milion e nenteqind e tetedhjete mije e tridhjete e pese) leke, e identifikuar si oferta e suksesshme.
E llogaritur me tvsh, vlera totale e tenderit në fjalë kap shifrën e 26,376,042 (njëzet e gjashtë milion e treqind e shtatëdhjetë e gjashtë mijë, e dyzet e dy) lekë (të reja).
Vlera e fondit limit për këtë tender ishte 22.550.000 lekë.
