Hapet tenderi për projektin e Ndërtimit të Infrastrukturës së Telekomunikacionit nga Bashkia e Elbasanit.
Projekti parashikon ndërtimin e një rrjeti me fibër optike dhe vendosjen e infrastrukturës Wireless-Free.
Buxheti i Shtetit dhe Buxheti i Bashkisë do të vënë në total në dispozicion për projektin një fond prej 79.8 milionë lekësh.
Nëpërmjet realizimit të këtij projekti, qytetarët e disa zonave do të mund të kenë qasje në internet, duke përmirësuar kështu shkëmbimin e të dhënave midis zonave rurale dhe jo vetëm.
Wi-Fi do të mbulojë fillimisht këto zona:
Qendra Balashe
Gjinar
Gjergjan
Tregan
Labinot Fushe
Shirgjan
Bradashesh
Gracen
Paper
Shushicë
Afati për dorëzimin e ofertave nga operatorët e interesuar është 7 dhjetor 2017, ndërsa projekti pritet të vihet në zbatim 7 muaj pas lidhjes së kontratës me operatorin fitues.
