Kreu i Partisë Demokratike, Lulzim Basha ka komentuar deklaratën e Xhafajt. Sipas Bashës, Xhafaj e mbron Tahirin sepse është në konflikt interesi të pastër, për shkak të përfshirjes së vëllait të tij në trafikun e drogës. Basha kërkoi edhe dorëheqjen e Ramës dhe Xhafajt, për të shkëputur përfundimisht politikën me krimin.
FJALA E BASHËS:
Fatmir Xhafaj është në konflikt të pastër interesi, s’mund të rrojë asnjë dite më si ministër.
Tahiri t’ia hedhë me sa më pak kosto me qëllim që të mos dekonspirojë dosjet që vërtetojnë lidhjet e Ramës me trafikun e drogës.
Thirrja ime ndaj Edi Ramës dhe Fatmir Xhafës është që të japin menjëherë dorëheqjen, këta janë të zhytur në krim, janë të kapur nga krimi. Kanë përdorur krimin dhe janë të kapur nga krimi, kanë marrë me miliona euro ryshfet dhe dhurata.
Ky është një narko shtet. Deklarata e Xhafajt është solidaritet i kupolës mafioze.
Ky do të vazhdojë të jetë një narkoshtet që i trajton shqiptarët si skllevër. Thirrja ime është për largimin tyre të menjëhershëm nga detyra.
