Kreu i PD-së Lulzim Basha në një takim me të rinjtë në çadrën e protestës akuzoi ndërkombëtarët se janë duke ia dhënë drejtësinë kryeministrit Rama, si mashë në dorë për ta përdorur në favor të krimit dhe për të goditur kundërshtarët politikë.
Sipas Bashës, diplomatët e huaj dhe kryeministri Rama janë autorët kryesorë të Vettingut, të cilin e cilësoi si një projekt mafioz.
“Kryeministri Rama është kreu i kupolës së vjetër. Me Vettingun në drejtësi ai kërkon të fusë në dorë drejtësinë që krimi të mos ketë asnjë ferrë nëpër këmbë. Projekti i Vettingut është një projekt mafioz, ku janë përfshirë diplomatë të lartë të huaj në Tiranë, ekspertë të BE-së, që ti ofrojnë në duar drejtësinë Edi Ramës. Por, do të marrin nga ne përgjigjen e merituar. Nuk do t’ia lëmë drejtësinë Edi Ramës”, u shpreh Basha.
