Kreu i Partisë Demokratike, Lulzim Basha me anë të një statusi në rrjetin social “Facebook” ka sulmuar kryebashkiakun e Tiranës, Erion Veliaj.
Basha e ka quajtur atë kërmë njeriu që shpif me të njëjtën lehtësi që shkel mbi gjakun e fëmijëve në Sharrë.
Po ashtu, Basha i ka rritur tonet e akuzave ndaj Veliaj duke e quajtur atë person që korrupton prokurorë e gjyqtarë.
Gjithashtu, në fund të këtij statusi kryedemokrati nuk ka lënë mënjanë edhe dozat e kërcënimit duke i thënë se “do të vijë dita shume shpejt”.
“Erion Veliaj, kerme njeriu qe shpif me te njejten lehtesi qe shkel mbi gjakun e femijeve ne Sharre, qe korrupton prokurore e gjyqtare, do te te vije dita shume shpejt…”-shkruan Basha.
Kujtojmë se Kryebashkiaku Erion Veliaj, mbrëmjen e sotme i ftuar në “News 24” ka sqaruar çështjen e zhvillimit të zonës pranë Policisë Bashkiake në rrugën e Kavajës, ku ka zbardhur edhe skemën që sipas tij ka funksionuar në kohën që Tirana drejtohej nga Lulzim Basha.
Veliaj deklaroi se dhëndri i Berishës, Jamarber Malltezi është hartuesi i Vlerësimit Mjedisor të Planit të Bashës, i cili parashikonte ndërtime për shërbime dhe banesa nga 8-11 kate.
Kryebashkiaku sqaroi se plani u hartua nga arkitektët e Bashës dhe i shkoi për firmë Berishës jo për lulishte, por për pronën private të familjes Nela për ndërtim, ndërsa kunati i Bashës kërkonte “haraçin” si shkëmbim.
